Dünya

Meksika tarixində ən böyük seçkilər keçiriləcək

6 İyun 2021 06:16

İyunun 6-da Meksikada ölkənin tarixində ən böyük aralıq seçkiləri keçiriləcək.

Publika.az xəbər verir ki, meksikalılar 15 qubernator, 500 federal və 1063 regional deputat, həmçinin 30 ştatda 1926 bələdiyyə başçısı daxil olmaqla, müxtəlif səviyyələrdə 20 mindən çox idarəçini və nümayəndəni seçməlidirlər. Bu, ölkənin yerli rəhbərlərinin dörddə üçünü təşkil edir.

Bu, həmçinin ötən il Koauila ştatının İdalgo bələdiyyəsində yerli seçkilərdən sonra federal səviyyədə pandemiya dövründə keçirilən ilk seçkilər olacaq. Səsvermədə 95 milyona yaxın seçici iştirak edəcək.

Seçkilərin nəticəsi əsasən ölkə Prezidenti Andres Manuel Lopes Obradorun müəyyənləşdirdiyi sosial-iqtisadi islahatların taleyini də müəyyən edəcək.