Əlişir Usmanovun yaxtası müsadirə olundu - FOTO

Rusiyalı milyarder Əlişir Usmanov Avropa İttifaqının sanksiyalarına məruz qalıb və Hamburqdakı gəmiqayırma zavodunda olan “Dilbar” yaxtasını itirib.

Publika.az xəbər verir ki, “Forbes” jurnalının məlumatına görə, dəyəri təxminən 600 milyon dollar olan gəmi Almaniya hakimiyyəti tərəfindən müsadirə edilib.

Bildirilir ki, yaxta Blohm+Voss tərsanəsində yenidən qurulmalı idi. Gəmi Usmanov tərəfindən 2016-cı ildə alınıb, o, Almaniyanın “Lürssen” şirkəti tərəfindən sifarişlə 52 ay müddətinə tikilib.

Məlumat üçün bildirək ki, bundan əvvəl Avropa İttifaqı Rusiya Prezidenti Vladimir Putinin mətbuat katibi Dmitri Peskovla yanaşı, daha 25 nəfərə də sanksiya tətbiq edib. Xüsusilə, bunlar iş adamları Əlişir Usmanov, Pyotr Aven, Mixail Fridman, Aleksandr Ponomarenko, Gennadi Timçenko, Aleksey Mordaşovdur. Onların hamısının Aİ-yə girişi qadağan edilib və ittifaqın ərazisində aktivləri dondurulacaq.

Russian billionaire Alisher Usmanov's 512-foot yacht has been seized by German authorities in the northern city of Hamburg. https://t.co/yQh7rE4DMypic.twitter.com/U1dVRVBIBc

— Forbes (@Forbes) March 2, 2022