Dünya

Macarıstan anti-Rusiya sanksiyalarını dəstəkləməkdən İMTİNA ETDİ

2 May 2022 13:16

Macarıstan Avropa İttifaqının Rusiyanın enerji resurslarına embarqo qoyulması ilə bağlı qərarlarına veto qoyacaq.

Publika.az">Publika.az xarici mətbuata istinadən xəbər verir ki, bu barədə Macarıstanın Baş Naziri Aparatının rəhbəri Gergey Quiyaş bildirib.

Məlumata görə, ölkə Rusiyaya tətbiq olunan neft və qaza qarşı sanksiyaları dəstəkləməkdən imtina edib.

“Biz açıq şəkildə bildirdik ki, energetika sferasında Avropa İttifaqının Rusiyaya qarşı sanksiyalarının uzadılmasını heç vaxt dəstəkləməyəcəyik”, - Quiyaş bildirib. O əlavə edib ki, Rusiyadan neft və qaz tədarükünə qarşı sanksiyalar Avropaya ciddi ziyan vuracaq.

Siyasətçi hesab edir ki, Avropa İttifaqı məhdudiyyətlərin mənfi nəticələrini dərk etməli və blokun iqtisadiyyatı haqqında düşünməlidir. Quiyaş həmçinin qeyd edib ki, Avropa İttifaqı Rusiya qazının pulunu rublla ödəməyi qeyri-mümkün edən heç bir sanksiya qəbul etməyib və bu, dövlətlər və şirkətlər arasında mülki hüquq müqaviləsi ilə tənzimlənir.