Putinin həbsi tələb olundu

Ukrayna hökuməti iddia edib ki, Rusiya minlərlə ukraynalı uşağı qaçaq yolla ölkəsinə gətirib. Avropa İttifaqı iddialardan sonra konfrans keçirmək qərarına gəlib.

Publika.az xəbər verir ki, bunu Aİ Komissiyasının sədri Ursula fon der Leyen Aİ Liderlər Sammitində bildirib.
Von der Leyen deyib ki, uşaqları ölkədən qovmaq üçün orada baş verənlər tariximizin ən qaranlıq zamanlarından bu yana dəhşətli bir xatirədir: "Bu, müharibə cinayətidir".

Von der Leyen bildirib ki, uşaqların geri qaytarılmasını təmin etmək üçün Polşanın Baş naziri Mateusz Moraviecki ilə birlikdə çalışacaqlar.

Beynəlxalq Cinayət Məhkəməsi Rusiya prezidenti Vladimir Putinin ukraynalı uşaqların ölkəyə qanunsuz deportasiyasındakı roluna və hərbi cinayətlər törətdiyinə görə həbs olunmasına order verib.

Ukraynanın açıqladığı məlumatlara görə, 2022-ci il fevralın 24-də müharibə başlayandan bəri 16 200 ukraynalı uşaq qanunsuz olaraq Rusiyaya aparılıb. Bildirilib ki, bu uşaqlardan yalnız 308-i Ukraynaya qayıdıb.

Ayşən