Baydenin planı: NATO-nun baş katibi postunda onu görür

Bayden Ursula von der Leyeni NATO-nun növbəti baş katibi olmağa çağırır

Publika.az xəbər verir ki, ABŞ prezidenti Co Bayden Avropa Komissiyasının sədri Ursula von der Leyenin NATO-nun növbəti baş katibi təyin edilməsinə çalışır. Bu barədə qərb mediası məlumat yayıb.

Bildirilir ki, Ağ Ev Böyük Britaniyanın müdafiə naziri Ben Uollesdən imtina etdikdən sonra Avropa Komissiyasının sədri ABŞ-ın NATO-nun baş katibi vəzifəsinə namizədi seçilib.

Vurğulanıb ki, NATO liderləri gələn həftə Vilnüsdə keçiriləcək illik sammitdə Stoltenberqin varisi ilə bağlı razılığa gələ bilməyiblər.

Belə bir informasiya mövcuddur ki, Bayden və von der Leyen son illərdə Çin və Ukrayna mövzularında "güclü bağ" yaradıblar.

Şəxsi söhbətlər zamanı von der Leyen Baydenə ən azı gələn ilə qədər NATO-da heç bir vəzifə tuta bilməyəcəyini söyləyib.

Qeyd edək ki, iyulun 4-də NATO müttəfiqlərinin 2014-cü ilin oktyabrından Alyansın baş katibi olan Yens Stoltenberqin səlahiyyətlərinin 2024-cü ilin payızına qədər uzadılmasına razılaşdıqları bildirilir.

Mehti Kamiloğlu