Dünya

İŞİD-ə qatıldı, hamilə qaldı - FOTOLAR

11 Oktyabr 2014 21:38

Avstriyadan “İraq-Şam İslam Dövləti” (İŞİD) terror təşkilatına qatılan 2 bosniyalı qızın hamilə olduqları iddia edilib.

Teleqraf.com Türkiyə mediasına istinadən xəbər verir ki, Samra Kesinoviç və Sapına Selimoviç adlı qızların çeçen mücahidləri ilə evləndikləri bildirilir. Avstriya mediasında qızların ailələri ilə əlaqə yaratdıqları, yaşadıqları mühiti tərk etmək və evə gəlmək istəkləri qeyd olunub.

Ancaq Avstriya Daxili İşlər Nazirliyindən verilən açıqlamaya görə, hökumət İŞİD-ə qatılanların vətənlərinə qayıda bilməməsi üçün qanunlar qəbul edib və buna görə qızların geri dönməsi mümkün deyil.

Xatırladaq ki, bu ilin aprel ayından itkin sayılan bosniyalı qızlar vida məktublarında Avstriyadan Suriyaya İŞİD-ə üzv olmaq üçün getdiklərini yazıblar.