Amerika siyasətçisi tələbələri Ebola virusuna “yoluxdurmaq” istədi
Bizi izləyin
Aptekonline

Dünya

Amerika siyasətçisi tələbələri Ebola virusuna “yoluxdurmaq” istədi

ABŞ Demokrat Partiyasının 63 yaşlı üzvü Larri Mitçel tələbə-piketçiləri Ebola virusuna yoluxduracağı ilə hədələyib.

Publika.az-ın “The Washington Times” qəzetinə istinadən verdiyi məlumata görə, hadisə Kaliforniya ştatının Oklend şəhərində keçmiş dövlət katibi Hillari Klintonun çıxışı zamanı baş verib.

L.Mitçel bildirdi ki, Texasdan gəlib və Ebola virusuna yoluxub. O, deyib ki, aksiya iştirakçılarını Ebola virusuna yoluxdurmağa hazırlaşır. Təhdidlərin təsirli olmadığını görən Mitçel əlini yalayaraq piketçilərin üzərinə sürtməyə çalışıb. Bundan sonra tələbələr dağılıblar.

Qeyd edək ki, Ebola virusu 2014-cü ilin fevralında Qvineyada qeyd edilmişdi. Xəstəlik sonradan Syerra Leone, Liberiya, Nigeriya, Konqo və Seneqala yayılıb. Virusa yoluxma halları ayrı-ayrılıqda ABŞ və Avropada qeydə alınıb.

Ümumdünya Səhiyyə Təşkilatının məlumatına görə, təxminən 9,2 min insan Ebola virusuna yoluxub. Onlardan 4,5 mindən çoxu ölüb.

Ömər Dağlı

Oxumağa davam et
Reklam
Reklam

Gündəm

Aptekonline