Dünya

Ukraynanın güvəndiyi kişilər görün necə qaçırmış: AĞLAGƏLMƏZ YOLLAR

17 Noyabr 2023 15:26

Rusiya-Ukrayna müharibəsi başlayandan bu günə qədər 20 minə yaxın kişi hərbi xidmətə çağırılmamaq üçün Ukraynadan qaçıb.

Publika.az xəbər verir ki, bəziləri ölkəni tərk etmək üçün təhlükəli çaylarda üzüb, digərləri sadəcə gecə vaxtı qaçıblar.

Son zamanlar daha 21 113 ukraynalı kişi qaçmağa cəhd edib, lakin Ukrayna hakimiyyəti tərəfindən yaxalanıblar. Rusiyanın işğalından sonra 18-60 yaşlı kişilərin əksəriyyətinin ölkədən çıxması qadağan edilib. Lakin BBC-nin əldə etdiyi məlumatlara görə, hər gün onlarla kişi Ukraynadan qaçır.

2022-ci ilin fevralından 31 avqust 2023-cü ilə qədər 19 740 nəfər Rumıniya, Moldova, Polşa, Macarıstan və Slovakiyaya qanunsuz keçib.

Həmin şəxslərin necə qaçdığı bilinməsə də, buna cəhd edərkən tutulan digər 21 113 nəfərin hansı üsullardan istifadə etdiyi məlum olub. Əksəriyyət - 14,313 sərhədi keçməyə və ya üzməyə cəhd edib. Digər 6,800 nəfər isə saxlamlıqla bağlı saxta arayışlar, rəsmi sənədlərə düzəltdirib.

Aysel Şahmar