Mars helikopteri NASA-ya son mesajını göndərdi: Bundan sonra...

2021-ci ildə başqa bir planetdə uçan ilk vasitə olan NASA-ya məxsus “Ingenuity Mars Helicopter” yanvar ayında baş vermiş qəzadan sonra uçuş müddətini başa vurub və son mesajını göndərib. İndi ətrafının fotoşəkillərini çəkmək və temperaturu ölçmək üçün sabit monitor kimi istifadə ediləcək.

Publika.az xəbər verir ki, NASA-nın Reaktiv Hərəkət Laboratoriyasının mühəndisi Teddy Tzanetos deyib ki, kiçik vertolyotun cəmi bir ay dayanmalı və bir neçə missiyanın öhdəsindən gəlməli idi, lakin onu quranların gözləntilərini üstələyib:

“Kiçik bir qrupun insanları kosmos sərhədlərində aşılmaz görünən çətinliklərin öhdəsindən gəlməyə ruhlandırdığınız üçün sizə təşəkkür edirəm. Yanvar ayında qəzaya uğrayaraq rotor qanadlarından birini sındırana qədər helikopter əla formada görünürdü. Amma onun komponentlərinin əksəriyyəti qəzadan sonra da işlək vəziyyətdədir. Gələcək tədqiqatçılar üçün ətraf mühit haqqında məlumat toplamaq üçün monitor kimi istifadəyə davam etməyə imkan verir”.

Aysel Şahmar