Rusiyaya tətbiq olunan 14-cü paket ən ciddi sanksiyadır, çünki…

Rusiyanın mayeləşdirilmiş təbii qazının Avropa İttifaqı (Aİ) limanlarında daşınmasına qoyulan qadağa 14-cü sanksiyalar paketinin ən ciddi məhdudiyyətidir.

Publika.az xəbər verir ki, “Vedomosti”yə müsahibə verən analitiklər bunu belə adlandırıblar.

Energetika və Maliyyə İnstitutunun energetika üzrə direktor müavini Aleksey Beloqoriyevin sözlərinə görə, 2023-cü ildə Aİ bazarı Rusiya LNG-nin xarici tədarükünün ümumi həcminin 46 faizini təşkil edib. Leninqrad bölgəsi və Yamal LNG müəssisələri üçün bu pay 67 faizə çatır. 2024-cü ilin ilk beş ayında Aİ-nin, o cümlədən Rusiyadan bütün LNG daşımalarının 53,5 faizini, o cümlədən Yamal LNG tədarükünün 82,5 faizini təşkil edib. 2023-cü ildə Aİ limanlarında Rusiyadan LNG-nin daşınması 1,7 milyon tona yaxınlaşıb.

Buna baxmayaraq, Beloqoriyev əmindir ki, Rusiya LNG-nin bütün həcmlərini sata biləcək və Aİ-nin yeni sanksiyaları Yamal LNG-nin işinə demək olar ki, heç bir təsir göstərməyəcək. Bununla belə, onlar “əlavə xərclər”lə nəticələnə bilər.

Rusiya Federasiyası Hökuməti yanında Maliyyə Universitetinin eksperti İqor Yuşkov isə bildirib ki, Rusiya LNG-nin Avropaya idxalına tam qadağa qoyulması daha ağrılı olacaq. Bu, qazın qiymətində kəskin artıma da təsir edəcək.

Məlumdur ki, 14-cü sanksiyalar paketi Rusiya LNG-nin Avropa limanları vasitəsilə tranzitinə məhdudiyyətlər nəzərdə tutur. Birlik ölkələri yanacaq ala biləcək, lakin onu təkrar ixrac etməyəcək. Rusiya karbohidrogenlərini daşıyan “kölgə donanması”nın 27 gəmisinə qarşı sanksiyalar tətbiq edilib.

Cəmilə