İran himni səsləndirildi, bu ölkənin nümayəndəsi ayağa qalxmadı
Bizi izləyin
Aptekonline

Dünya

İran himni səsləndirildi, bu ölkənin nümayəndəsi ayağa qalxmadı

İran prezidenti Məsud Pezeşkianın iştirak etdiyi Beynəlxalq İslam Birliyi Konfransının açılışında İran himni səsləndirilərkən yalnız Taliban nümayəndəsinin ayağa qalxmaması reaksiyaya səbəb olub.

Publika.az xəbər verir ki, bu vəziyyət ölkə mediasında və sosial mediada tənqid olub.

Bəzi şəxslər Taliban nümayəndəsinin konfransa dəvət olunmasını tənqid edib. Reaksiyaların ardınca İranın Əfqanıstan üzrə xüsusi nümayəndəsi Həsən Kazimi “X” hesabında açıqlama verib.

“Musiqi çalmağın qadağan edilməsi bəhanəsi ilə diplomatik prinsiplərə hörmətsizlik etməyin heç bir mənası yoxdur”, - deyə o qeyd edib.

Taliban rəsmiləri Pakistanda da eyni hərəkəti ediblər. Sentyabrın 18-də Pakistanın Peşəvər şəhərində keçirilən mərasimdə Pakistan himni səsləndirilərkən Taliban rəsmiləri ayağa qalxmayıb. Rəsmi İslamabad bu vəziyyətə etiraz edərək, bunu diplomatik protokolların pozulması adlandırıb.

Aysel Şahmar

Oxumağa davam et
Reklam
Reklam

Gündəm

Aptekonline