Mİ5 açıqladı: Putin İngiltərədə qarışıqlıq yaratmağa çalışır

Britaniyanın daxili kəşfiyyat agentliyi Mİ5-in rəhbəri Rusiyanın İngiltərədə qarışıqlıq yaratmağa çalışdığını iddia edib.

Publika.az xəbər verir ki, Britaniyanın daxili kəşfiyyat agentliyi Mİ5-in baş direktoru Ken Makkallum illik qiymətləndirmə iclasında Rusiya və İrandan Böyük Britaniyaya qarşı təhdidlərin artdığını bildirib.

İngiltərə mətbuatı Makkalluma istinadən Rusiya kəşfiyyatının İngiltərədə qarışıqlıq yaratmağa çalışdığını qeyd edib:

“Ölkəmiz Rusiyaya qarşı Ukraynaya dəstək verməsindən sonra Rusiya Hərbi Kəşfiyyatının (QRU) agentləri İngiltərədə təxribat və daha təhlükəli hərəkətlər törədiblər. Rusiya-Ukrayna müharibəsinin başladığı gündən bu yana 750 rus diplomat Avropadan deportasiya edilib. İranda Mahsa Amini vəfat edəndən bəri Böyük Britaniyada sui-qəsdlər əvvəllər heç vaxt olmadığı sürətlə artdı. Həyatımın ilk 20 ili terrorçuların təhdidləri ilə keçib. İndi bunlara əlavə olaraq, dəstəklənən sui-qəsd və təxribatlarla qarşı-qarşıyayıq”.

Aysel Şahmar