Dünya

Bu kənddə fərman imzalandı: xəstələnmək qadağan edildi

8 Yanvar 2025 12:06

İtaliyanın Belkastro kəndində sakinlərə təcili tibbi yardım tələb edən xəstəliklərə yoluxmamaq əmri verilib.

Publika.az xəbər verir ki, İtaliyanın ən yoxsul bölgələrindən birində yerləşən kəndin meri Antonio Torşia bununla bağlı fərman imzalayıb.

Torşia bu qərarın yumoristik xarakter daşıdığını, lakin bölgədəki səhiyyə sistemindəki çatışmazlıqları vurğulamaq çağırışlarından daha təsirli olduğunu deyib.

Kənddə yaşayan 1200 nəfərin təxminən yarısının 65 yaşdan yuxarı olduğunu deyən mer ən yaxın təcili yardım xidmətinin kənddən 45 kilometr aralıda olduğunu qeyd edib:

"Köməyə ehtiyacınız varsa, təcili yardım xidmət ilə xəstəxanaya çatmaq istəsəniz, gedəcəyinz yollar demək olar ki, hər hansı bir xəstəlikdən daha böyük risk daşıyır”.

Qeyd edilib ki, kənddə növbətçi həkim məntəqəsi nizamsız fəaliyyət göstərir, həftə sonları və bayram günlərində isə ümumiyyətlə xidmət göstərmir.

Roza