Dünya

Dünya Trampın planlarına belə reaksiya verdi: Qərb qorxur, Şərq sevinir

21 Yanvar 2025 13:46

Donald Trampın andiçmə mərasimindən sonra açıqladığı planlara dünya mediası fərqli reaksiya verib.

Publika.az xəbər verir ki, Trampın fikirləri müxtəlif nəşrlərdə, o cümlədən süni intellektin köməyi ilə təhlil edilib.

Bildirilir ki, liberal yönümlü nəşrlər ABŞ-ın yeni prezidentinin xüsusilə immiqrasiya qanunvericiliyi və gender məsələləri ilə bağlı açıqlamalarını tənqid edib.

Mühafizəkar media Donald Trampın Ağ Evə qayıtmasını alqışlayıb. Onun “Amerikanı yenidən qurmaq” əzmini qeyd etdilər.

Avropa ölkələrinin nəşrləri siyasətçinin bəyanatlarını xüsusilə iqlim dəyişikliyi və beynəlxalq ticarət kontekstində qlobal sabitliyə təhlükə kimi qiymətləndirib.

Asiya mediası da Trampın planlarına reaksiya verib. Araşdırmada deyilir ki, Hindistan və Çin mediası ABŞ prezidentinin siyasətinin iqtisadi aspektlərinə diqqət yetirib. Yaxın Şərq nəşrləri, xüsusən də “Əl-Cəzirə” Trampın Yaxın Şərqdəki münaqişələrin sona çatması ilə bağlı bəyanatlarına diqqət yetirib.

Tural