Dünya

Albaniya təmsilçisi faciə qurbanlarının yaxınlarına belə təskinlik verdi

23 May 2012 14:25

57-ci “Eurovision” Mahnı Müsabiqəsinin birinci yarımfinalı kimini sevindirdi, kimini isə məyus etdi. Amma həm sevinən, həm də məyus olan təmsilçi də vardı bu yarımfinalda.

İki hissi bir arada yaşayan Albaniya təmsilçisi Rona Nişliu oldu. Ölkəsində baş verən avtobus qəzası təmsilçini sarsıtsa da, yarımfinal şousundan sonra “Suus” adlı müsabiqə mahnısını ikinci dəfə finalda oxumağa şans qazandığı üçün şad oldu.

Publika.Az-ın məlumatına görə, o, qələbəsini ölkəsində avtobus qəzası qurbanlarının xatirəsinə həsr etdiyini bildirib: “Mənim üçün daxili aləmimi və səsimi “Bakı Kristal Zalı” səhnəsindən ifadə etmək, minlərlə izləyici ilə fikrimi paylaşmaq vacib idi”.

Qeyd edək ki, Albaniyanın yarımfinaldan finala keçmək qələbəsi bu ölkənin son illərdə “Eurovision” Mahnı Müsabiqəsi səhnəsində nail olduğu böyük uğurdur. Çünki son bir neçə ildə Albaniya təmsilçiləri Avropanın nüfuzlu televiziya şousunu finala çatmadan tərk ediblər.

Familoğlu
Publika.Az