Dünya
Vestervelle elə biz deyəni deyir
Almaniyanın xarici işlər naziri Gido Vestervellenin ötən həftə Azərbaycana səfərində daha çox müxalifət və QHT təmsilçiləri ilə görüşündən danışıldı. Bəzi millət vəkilləri Almaniyanın xarici işlər nazirini Azərbaycanın daxili işlərinə qarışmaqda qınadı. Əlbəttə, Gido Vestervelle Azərbaycanda demokratiya və insan haqları mövzularına toxunub, bununla bağlı fikir mübadiləsi aparıb. Bunda qeyri-adi heç nə yoxdur. Ancaq Gido Vestervelle Bakıda başqa mövzuları da müzakirə edib ki, bunlar bir qədər diqqətdən kənarda qaldı.
Almaniyanın xarici işlər naziri hələ səfəröncəsi “APA”
agentliyinə verdiyi müsahibədə səfərinin məqsədi kimi, Azərbaycanla
əməkdaşlığın həm ikitərəfli, həm də Avropa Birliyi kontekstində
gələcək inkişafını müzakirə etməkdən ibarət olduğunu
söyləmişdi.
Almaniya Avropa Birliyinin iki aparıcı dövlətindən biridir və
demək, Berlinlə əməkdaşlığın inkişafında Azərbaycan maraqlı
olmalıdır. Elə Gido Vestervellenin səfəri də məhz əlamətdar tarixə
- iki ölkə arasında diplomatik əlaqələrin qurulmasının 20 illiyinə
təsadüf etmişdi. Azərbaycan iqtisadiyyatını neft və qazın
satışından asılılığını azaltmaq, başqa sözlə, diversifikasiya
inkanlarını hərəkətə gətirmək istəyirsə, sənayedə yüksək
texnologiyaların tətbiqi sahəsində alman şirkətləri ilə əməkdaşlığı
ön planda tutmalıdır.
Azərbaycanla Almaniya arasında siyasi dialoq da zəruridir. Dağlıq
Qarabağ münaqişəsinin ədalətli həlli və Azərbaycanın ərazi
bütövlüyü məsələlərinə Berlinin münasibəti Parisinkindən daha
həssasdır. Fransa hakimiyyəti erməni lobbisinin əlində əsir-yesir
qalıb, bu ölkənin prezidenti Nikola Sarkozi “Ermənistan bizim
bacımızdır” deyərək, Cənubi Qafqaz ölkələrinə səfəri zamanı əsas
vaxtını İrəvanda keçirir. Bernar Fasyenin yerinə ATƏT-in Minsk
Qrupuna yeni təyin olunan fransalı həmsədr Şak For isə Xankəndidə
erməni separatçılarının lideri ilə görüşdə çəkinmədən deyib ki, bəs
o, bu vəzifəyə yeni təyin olunduğundan münaqişə haqqında bilgisi
yoxdur və həmin bilgini... ermənilərdən almaq istəyir.
Birincisi, belə bir vəzifəyə təyin olunan diplomatın münaqişə
haqqında bilgisinin olmaması, bu haqda əvvəlcədən məlumat
toplamamasının özü qeyri-peşəkarlığın əlamətidir. İkincisi,
tərəfsizliyini göstərməli olan diplomatın bilgini separatçıların
liderindən almaq istəyini dilə gətirməsi həmin şəxsin artıq indidən
hansı tərəfin xeyrinə çalışacağını əyani göstərir.
Berlinin erməni lobbisinin əlində alət olmaq və ya İrəvana, o
cümlədən separatçılara yaltaqlanmaq kimi dərdi yoxdur. Təsadüfi
deyil ki, vaxtilə Azərbaycan hakimiyyəti Avropa dövlətləri
içərisində məhz Almaniyanın ATƏT-in üçüncü həmsədr olmasını
istəyirdi. Ancaq Fransanın 1997-ci ildəki qəfil həmləsi bu istəyin
həyata keçməsinə imkan vermədi. Nikola Sarkozi “erməni soyqırımı”nı
inkara görə hüquqi məsuliyyəti nəzərdə tutan qanun layihəsini
ciddi-cəhdlə müdafiə etdikdə bu ölkənin həmsədrlikdən
uzaqlaşdırılması məsələsi yenidən gündəmə gətirildi. Bu zaman
alternativ kimi, yenə Almaniya xatırladıldı. Elə bir neçə həftə
öncə Almaniya Bundestaqında Dağlıq Qarabağ münaqişəsi ilə bağlı
qəbul olunan sənəddə həmsədrlik institutunun gücləndirilməsi
məsələsinə toxunulmuşdu. Bu, o demək idi ki, Berlin münaqişənin
həllində daha fəal rol oynaya biləcəyinə eyham vurub.
Berlin Avropa Birliyinin də münaqişənin həllində fəal olmasından
yanadır. Bu haqda Gido Vestervellenin özü də deyib. O, bildirib ki,
Almaniya Dağlıq Qarabağ münaqişəsinin həllində Avropa Birliyinin
daha yaxından iştirakı ilə bağlı Brüsseldə debatın təşkilində əsas
rol oynayıb. Avropa Birliyi Xarici Əlaqələr Şurasının fevral ayında
qəbul etdiyi qərarı və Avropa Birliyinin Cənubi Qafqaz üzrə xüsusi
nümayəndəsinin yeni mandatının bu iştirakın genişlənməsi üçün yaxşı
əsas olduğunu deyən Vestervelle fikrini belə yekunlaşdırıb:
“Bölgədə çiçəklənməni və sülhü əngəlləyən bu münaqişənin həllinə
nail olmaq vaxtıdır”.
Vestervelle elə biz deyəni deyir.
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR