Ali Məhkəmənin hakimi ovda öldürüldü
Bizi izləyin
Kanon

Dünya

Ali Məhkəmənin hakimi ovda öldürüldü

Belarus Ali Məhkəməsinin hakimi Viktor Rakitski ov edərkən həlak olub.

Publika.az-ın “lenta.ru” saytına istinadən verdiyi xəbərə görə, bu barədə Belarus İstintaq Komitəsi bildirib.

Komitədən verilən məlumata görə, hakim 27 dekabrda həlak olub. Güllə yarası alan hakim hadisə yerində dünyasını dəyişib. Onunla ovda olanların kimliyi açıqlanmasa da, Minsk sakinlərinin olduğu bildirilir.

İstintaq Komitəsi “ehtiyatsızlıqdan adam vurma” maddəsi üzrə cinayət işi qaldırıb. Hadisə ilə bağlı saxlanılanlar barədə məlumat yoxdur.

Viktor Rakitski daha əvvəllər rayon məhkəmələrində, 2000-ci illərin əvvəlində isə Minsk vilayət məhkəməsində işləyib və daha sonra Ali Məhkəməyə keçib.

Ömər Dağlı

Oxumağa davam et
Reklam
Reklam

Gündəm

Kanon