Dünya

İki yüz pişik kriptovalyuta fermasını ƏLƏ KEÇİRDİ

12 Noyabr 2025 08:24

Çinin Daxili Monqolustan Muxtar Bölgəsindəki kriptovalyuta fermasının sahibi qeyri-adi problemlə üzləşib. Mədənçilik müəssisəsində təxminən 200 sahibsiz pişik məskunlaşıb və onları işləyən qrafik kartların istiliyi cəlb edib.

Publika.az xəbər verir ki, bu barədə "StoryTime" adlı Facebook səhifəsi məlumat yayıb.

Fermanın sahibi heyvanları qovmayıb, əksinə onlar üçün isti yataqlı ayrıca otaq təşkil edib. Lakin bu qərar ciddi maliyyə itkilərinə səbəb olub.

“Bu, şirin və təsirli görünür, amma həmin ‘yataqlar’ bizə milyonlarla dollara başa gəldi”, - deyə fermanın əməkdaşlarından biri bildirib.

Məlum olub ki, pişiklər həm kriptovalyuta mayninqi üçün istifadə olunan, həm də istilik mənbəyi kimi çıxış edən videokartları çox bəyəniblər. Heyvanlar üçün xüsusi şərait yaradılmasına baxmayaraq, onların varlığı avadanlığın məhsuldarlığının azalmasına gətirib çıxarıb.

Hüseyn İbadlı