İdman

İtaliyanın fiaskosu: Futbol tarixində belə dünya çempionu olmayıb

1 Aprel 2026 10:52

Dünya çempionatının Avropa zonası üzrə seçmə mərhələsinin final oyununda Bosniya və Herseqovina millisinə sensasiyalı şəkildə məğlub olaraq mübarizəni dayandıran İtaliya millisi futbol tarixinə düşüb.

Publika.az xəbər verir ki, penaltilər seriyasında 4:1 hesabı ilə məğlub olan "skuadra adzura" (əsas və əlavə vaxt 1:1) ardıcıl üçüncü dəfə milli komandaların bir nömrəli turnirinə vəsiqə qazana bilməyib. Dörd dəfə dünya çempionu olan italyanlar bu statusa malik komandalar arasında ilkə imza atıblar. Buna qədər heç bir çempion yığma ardıcıl üç mundial buraxmayıb.

Xatırladaq ki, İtaliya millisi dünya çempionatını 1934, 1938, 1982 və 2006-cı illərdə qazanıb. Yığma 2018 və 2022-ci illərdə keçirilən turnirləri də buraxıb.

Heybət