NATO tənəzzülün astanasında: Bu tarixdə tamamilə yox ola bilər

BMT-nin norveçli sülhməramlı veteranı Dan Viqqo Bertqun NATO-nun yaxın gələcəkdə tamamilə yox ola biləcəyini deyib.

Publika.az "Sputnik"ə istinadən xəbər verir ki, hərbi ekspert NATO-nun Ukraynadakı münaqişədən çox əvvəl başlayan uzunmüddətli tənəzzül prosesi nəticəsində "ölə" biləcəyini söyləyib.

"İndi təsis missiyalarını yerinə yetirə bilməyən alyans tənəzzülünü açıq şəkildə göstərib. NATO nəinki zəifləyə, həm də tamamilə yox ola bilər. Sual NATO-nun ən azı növbəti onillikdə sağ qalıb-qalmayacağıdır", - Bertqun qeyd edib.

Əfqanıstan əməliyyatını vurğulayan ekspert, bunu NATO üçün hərbi və siyasi məğlubiyyət hesab edib. O, təxminən 20 il öncə Brüsseldə Norveçin NATO-dakı o vaxtkı səfiri Kai Eide ilə keçirdiyi görüşə toxunub.

Bertqun Eidenin "NATO Əfqanıstanda strateji məğlubiyyətə dözə bilməz. Bu, alyansın etibarlılığını sarsıdacaq" sözlərini xatırladıb. "İndi geriyə baxanda, bu sözlərin nə qədər doğru olduğunu daha yaxşı başa düşürük", - o qeyd edib.

Roza