Dünya çempionatının bütün iştirakçıları müəyyənləşdi - QRUPLAR

ABŞ, Kanada və Meksikanın 2026-cı ildə ev sahibliyi edəcəyi dünya çempionatının final mərhələsinin bütün iştirakçıları müəyyənləşib.

Publika.az xəbər verir ki, ötən gün Avropa və qitələrarası zonası üzrə birlikdə baş tutan 6 oyundan sonra son 6 iştirakçının adı müəyyənləşib.

Avropadan Türkiyə, Bosniya və Herseqovina, Çexiya və İsveç, qitələrarası zonadan isə Konqo Demokratik Respublikası və İraq mundialda iştirak etmək hüququ qazanıb.

Çexiya Danimarkanı (2:2; p-3:1), Bosniya və Herseqovina isə İtaliyanı (1:1; p-4:1) penaltilər seriyasında məğlub edərək finala vəsiqə qazanıblar. Digər matçlarda Türkiyə Kosovonu 1:0, İsveç Polşanı 3:2 hesabı ilə üstələyərək finalda iştirak hüququ əldə ediblər.

Qitələrarası zonada isə Konqo DR Yamaykanı əlavə vaxtda üstələyib - 1:0. İraq isə Boliviyaya 2:1 hesabı ilə qalib gəlib - 2:1.

Bununla DÇ-2026-nın bütün qruplar üzrə tərkibi müəyyənləşib. Dünya çempionatı iyunun 11-dən iyulun 19-dək keçiriləcək. Açılış oyununda Meksika ilə Cənubi Afrika Respublikası qarşılaşacaq.

A qrupu: Meksika, Cənubi Afrika Respublikası, Cənubi Koreya, Çexiya

B qrupu: Kanada, Qətər, İsveçrə, Bosniya və Herseqovina

C qrupu: Braziliya, Mərakeş, Haiti, Şotlandiya

D qrupu: ABŞ, Paraqvay, Avstraliya, Türkiyə

E qrupu: Almaniya, Kurasao, Kot d`İvuar, Ekvador

F qrupu: Niderland, Yaponiya, İsveç, Tunis.

G qrupu: Belçika, Misir, İran, Yeni Zelandiya

H qrupu: İspaniya, Kabo Verde, Səudiyyə Ərəbistanı, Uruqvay

İ qrupu: Fransa, Seneqal, Norveç, İraq

J qrupu: Argentina, Əlcəzair, Avstriya, İordaniya

K qrupu: Portuqaliya, Konqo, Özbəkistan, Kolumbiya

L qrupu: İngiltərə, Xorvatiya, Panama, Qana

Heybət