Pakistanda çimərlikdə olan rus səyyahı nə heyrətləndirib?

Rusiyalı səyahət bloqeri Maksim Qolışev Pakistan çimərliyində olub və bunu “sərt reallıq” kimi qiymətləndirib.

Publika.az xəbər verir ki, o, təəssüratlarını "Zen" platformasındakı “Təsadüfi Səyahət” adlı şəxsi bloqunda paylaşıb.

O, ölkənin ən böyük şəhəri Karaçidə olub. Qeyd edib ki, Pakistanın keçmiş maliyyə mərkəzinin çimərliyinə çatmaq üçün dəvəyə minərək çöllükdən keçməli olub.

"Məni turist kimi görən yerli iş adamı dərhal gəzinti üçün 3.5 dollar (6 manat) təklif edib, lakin mən imtina edəndə o, təklifi dərhal yarıya endirdi. Razılaşdım", - Qolışev paylaşıb.

Rus səyyah itlərin və quşların gəzdiyi zibil dağlarının arasından dəniz sahilinə bir neçə yüz metr gedib. O, həmçinin yol boyu üfunət qoxulu çaylarla və gölməçələrlə qarşılaşıb. Dəniz sahili ona Mumbaydakı oxşar mənzərəni xatırladıb.

"Hindistan və Pakistan bu gün düşmən, qatı rəqib olsalar da, bu iki ölkənin kifayət qədər ortaq cəhətləri var. Ətraf mühitin davamlı və geniş şəkildə çirklənməsi həmin oxşar mənzərələrdən yalnız biridir", - deyə turist vurğulayıb.

Bloqer yazıb ki, Karaçinin çirkli çimərliyi yerli sakinlər arasında çox populyardır.

"Burada istirahət edənlərin sayı yüzlərlə, hətta minlərlədir. İnsanlar ailələri və ya böyük qruplarla gəlirlər", - deyə səyahətçi izah edib.

Adəm