Günəşdə beş güclü partlayış baş verdi

Günəşdə qüvvət üzrə sonuncudan bir əvvəlki sinfə (M) aid beş partlayış baş verib.

Publika.az xəbər verir ki, bu barədə Tətbiqi Geofizika İnstitutu öz saytında məlumat verib.

Beş partlayış qeydə alınıb:

• 01:22-də ləkə qrupu 4294-də (S17E89) M5.9 gücündə 13 dəqiqə davam edən partlayış baş verib;
• 03:02-də ləkə qrupu 4294-də (S14E89) M1.6 gücündə 15 dəqiqə davam edən partlayış qeydə alınıb;
• 07:20-də ləkə qrupu 4294-də (S17E89) M1.6 gücündə 8 dəqiqə davam edən partlayış qeydə alınıb;
• 16:16-da ləkə qrupu 4294-də (S12E89) M1.1 gücündə 23 dəqiqə davam edən partlayış baş verib;
• 19:07-də isə M2.9 gücündə (N20E89) 48 dəqiqə davam edən partlayış qeydə alınıb.

Günəş partlayışı — Günəşdə baş verən partlayışdır və o, qıvrılmış maqnit sahələrindəki enerjinin açığa çıxması nəticəsində baş verir. Bu zaman bütün elektromaqnit spektri üzrə, radio dalğalarından rentgen və qamma şüalarına qədər, şüa axını yaranır.

Rentgen şüalarının gücündən asılı olaraq, Günəş partlayışları A, B, C, M və ya X sinfinə aid ola bilər. 29 noyabr partlayışları sonuncu sinfə yaxın idi. Belə böyük partlayışlar bütün planetdə radio müdaxilələrinə və uzunmüddətli maqnit fırtınalarına səbəb ola bilər.

Hüseyn İbadlı