Dünya

Madurodan YENİLMƏ ETİRAFI - Konkret tarix verdi

30 Noyabr 2025 22:12

Venesuela Prezidenti Nikolas Maduro bildirib ki, səlahiyyətlərini dayandırmağa hazırdır, lakin 18 ay sonra.

Publika.az xəbər verir ki, bu barədə CNN məlumat yayıb.

Kanalın iddiasına görə, bir sıra amerikalı rəsmilər Venesuela liderinin təklif etdiyi bu ssenarini böhrandan çıxış yolu kimi nəzərdən keçiriblər, lakin Ağ Ev Maduronun dərhal istefasında israr etməyə qərar verib.

CNN-in mənbələri həmçinin qeyd ediblər ki, Maduro və onun tərəfdarları Ağ Ev ilə bir neçə kanal vasitəsilə əlaqə saxlayıblar və hazırda ölkələr arasında mümkün qarşılıqlı fəaliyyət formatını müzakirə edirlər.

Noyabrın 30-da ABŞ Prezidenti Donald Tramp, Maduroya xəbərdarlıq edib ki, vəzifəsini tərk etməsə ona qarşı güc tətbiqi də daxil olmaqla mümkün tədbirlər görüləcək.

Hüseyn İbadlı