Ukrayna buna məcbur edilməyəcək - ABŞ vəd verib

ABŞ-ın Ukraynadakı müharibəni bitirmək üçün ilkin planında ən problemli məsələlərdən biri Kiyevin ölkə konstitusiyasında təsbit olunmuş NATO istəklərindən rəsmən imtina etməsi şərti idi.

Publika.az CNN-ə istinadən xəbər verir ki, bu barədə Ukrayna və ABŞ nümayəndələrinin Floridada keçirilən görüşündə müzakirə aparılıb.

“Ukrayna rəsmi olaraq hüquqi mənada bu istəkdən əl çəkməyə məcbur edilməyəcək”, - agentliyin mənbəsi bildirib.

“Əgər ABŞ-ın Rusiya ilə hər hansı ikitərəfli sazişləri varsa və ya Rusiya çoxtərəfli əsasda NATO-dan müəyyən zəmanətlər almaq istəyirsə, bu, Ukraynanın qərarların qəbulu prosesində iştirak edəcəyi demək deyil”, - mənbə vurğulayıb.

Əlavə edib ki, son dərəcə incə kompromisin nə olacağı ilə bağlı yekun qərar hələ qəbul edilməyib. Bu, son nəticədə Ukrayna prezidenti ilə razılaşdırılmalıdır.

“Bütün bunlar onu deməyə əsas verir ki, ABŞ-Ukrayna danışıqları davam etdikcə və Stiv Uitkoffun Moskvaya səfəri ərəfəsində Kiyevin qırmızı xətlərindən yan keçmək üçün kreativ həll yolları araşdırılır”, - CNN-ə mənbə şərh edib.

Digər qırmızı xətt Kremlin Donbasın bütün ərazisini vermək tələbidir. Danışıqlarla birbaşa tanış olan mənbə bildirib ki, bu məsələ ilə bağlı müzakirələr davam edir.

Adəm