Rusiya-Ukrayna sərhədi yenidən çəkilir: Haradan keçəcək?

ABŞ və Ukrayna arasındakı danışıqlarda rəsmilərin diqqəti müharibədən sonra Rusiya ilə faktiki sərhədin harada olacağı məsələsinə yönəlib.

Publika.az xəbər verir ki, bu barədə ABŞ-ın "Axios" xəbər portalı məlumat yayıb.

Bildirilib ki, dünən ABŞ və Ukrayna nümayəndə heyətləri arasında görüş hərtərəfli məsələlərin müzakirə olunduğu iclasdan sonra üç rəsmi ilə davam edib.

Ukrayna Milli Təhlükəsizlik və Müdafiə Şurasının (MDŞ) katibi Rustem Umerov ABŞ prezidenti Donald Trampın xüsusi nümayəndəsi Stiv Uitkoffla təkbətək görüş keçirib və danışıqlar barədə məlumat vermək üçün Ukrayna prezidenti Volodimir Zelenskiyə zəng edib.

Bildirilib ki, beş saatlıq danışıqlar gərgin, lakin məhsuldar keçib. Məlumata görə, görüşdə demək olar ki, yeganə müzakirə mövzusu sərhəd nəzarəti olub və sülh müqaviləsi çərçivəsində Rusiya ilə faktiki sərhədin haradan çəkiləcəyinə diqqət yetirilib.

Qeyd edək ki, bazar günü Uitkoff, dövlət katibi Marko Rubio və Cared Kuşner Ukrayna nümayəndə heyəti ilə danışıqlar aparıblar. Ukrayna nümayəndə heyətinə Rustem Umerov başçılıq edib.

Roza