Brüsseldəki kritik görüşdə Türkiyə qərarı: 2026-cı ildə...

Bu gün NATO-nun Brüsseldəki qərargahında üzv ölkələrin xarici işlər nazirlərinin iştirakı ilə iclas keçirilib.

Publika.az Türkiyə mətbuatına istinadən xəbər verir ki, görüşdə çıxış edən NATO-nun baş katibi Mark Rutte, Ankarada keçiriləcək növbəti zirvə toplantısına hazırlaşdıqlarını bildirib.

"2026-cı ilin iyul ayında Ankarada keçiriləcək növbəti zirvə toplantısına hazırlaşmağa başlayaraq, müttəfiqlər üçün digər zəruri tədbirləri də araşdıracağıq", - o söyləyib.

Rutte həmçinin, NATO-nun real və davamlı təhlükələrlə üzləşdiyini qeyd edib:

"Rusiya bizim çəkindirmə qabiliyyətimizi sınamağa davam edir. O, təyyarələr və dronlarla hava məkanımızı pozur, təxribat aktları həyata keçirir və sularımıza casus gəmiləri göndərir. Rusiya bu prosesdə tək deyil. O, xalqımızı narahat etmək və beynəlxalq qaydaları pozmaq üçün Çin, Şimali Koreya və İranla sıx əməkdaşlıq edir. Onlar uzunmüddətli hesablaşmaya hazırlaşırlar. Biz güc, birlik və qətiyyətlə cavab veririk. NATO Ukraynanı daha çox dəstəkləməlidir".

Roza