Küçədə qalan 68 yaşlı kişi bir anda milyonçu oldu

Taylandda bir müddət evsiz qalan pensiyaçı lotereyadan 18 milyon bat (təxminən 958 min manat) udub.

Publika.az xəbər verir ki, bu barədə "The Thaiger" məlumat yayıb.

Məlumata görə, tənha kişi son vaxtlar kirayə otaqda yaşamağa başlayıb. O, gündəlik işlərdən əldə etdiyi gəlirlə ayda 1500 bat (təxminən 80 manat) kirayə haqqını ödəməyə çalışıb. Dekabrın 1-də isə o, dövlət lotereyasında cekpotu udub. Bundan sonra qoca kişinin həyatı tamamilə dəyişib.

Lotoreyadan pul qazandığı xəbəri yayıldıqdan sonra kişinin qohumları onu ziyarət ediblər. Lakin onlar təqaüdçünün kimin evində qalmalı olduğu barədə razılığa gələ bilməyiblər.

Müxtəlif bankların işçiləri də kişini ziyarət edərək onu hesab açmağa razı salmağa çalışıblar.

Məlum olub ki, sosial xidmətlər artıq onun üçün ev tikilməsi məqsədilə 40 000 bat ayırıb, lakin kişi milyonçu olduqdan sonra vəsaiti ehtiyacı olan digər insanlara yönləndirib. Təqaüdçünün hazırkı ev sahibi isə mənzilini 2 milyon bata ona satmağa çalışıb.

Taylandda bir anda məşhurlaşan kişi hələlik qazandığı pul barədə şərh verməyib.

Ləman