Papa Fransiskin Ukrayna ilə bağlı vəsiyyəti açıqlandı

2025-ci ilin aprelində vəfat edən Papa Fransisk Ukrayna üçün təcili yardım maşınlarının alınması üçün maliyyə vəsaiti ayrılmasını vəsiyyətinə daxil edibmiş.

Publika.az “Bild” nəşrinə istinadla xəbər verir ki, bu barədə yerli radiostansiyalardan birində ispan rahibə Lusiya Karam məlumat verib.

Genişmiqyaslı işğalın başlanmasından bəri Ukraynaya dəfələrlə səfər edən və humanitar layihələrdə iştirak edən Karamın sözlərinə görə, pontifik şəxsən onun mirasının bir hissəsinin müharibə bölgələrində tibb işçilərinin dəstəklənməsinə yönəldilməsini vəsiyyət edib.

“Frensisk məni həmişə Ukraynaya kömək edəcəyinə inandırırdı, lakin bu dəstəyin bu qədər xüsusi və təsiredici şəkildə ifadə ediləcəyini təsəvvür edə bilməzdim”, - o deyib.

Nəşrin məlumatına görə, papalıq fondundan ayrılan vəsait cəbhəyanı və müharibə gedən rayonlarda fəaliyyət göstərəcək təcili tibbi yardım maşınlarının alınması üçün nəzərdə tutulub. Mənbələr qeyd edir ki, belə maşınlar yaralıların təxliyəsi və operativ tibbi yardımın göstərilməsi üçün çox vacibdir.

Tural