Putin Ruttenin bostanına DAŞ ATDI - O nə danışır?

Rusiya prezidenti Vladimir Putin NATO-nun baş katibi Mark Rutteni ağıllı insan adlandırsa da, onun masada nəyi müzakirə etdiyini soruşub.

Publika.az xəbər verir ki, Putin bu açıqlamanı birbaşa yayımlanan yekun mətbuat konfransı zamanı verib.

Rusiya lideri bildirib ki, o, Niderlandın baş naziri olarkən Rutte ilə şəxsən görüşüb.

"Mən bir dəfə ora getdim və söhbət etdik. Bilirəm ki, o, ağıllı bir insan idi və baş nazir kimi sistemli, təsirli idi. O, nədən danışır? Həqiqətən soruşmaq istəyirəm: "Qulaq asın, NATO-nun Rusiya ilə müharibəsindən nə danışırsınız?" Onlar Rusiya ilə müharibəyə hazırlaşmaq istəyirlər. Oxuya bilərsiniz? ABŞ-ın yeni Milli Təhlükəsizlik Strategiyasını oxuyun", - deyə Putin qeyd edib.

Xatırladaq ki, dekabrın 5-də Ağ Ev ABŞ-ın Rusiyaya qarşı siyasətini müəyyən edən yeni Milli Təhlükəsizlik Strategiyasını dərc edib. Sənəddə qeyd olunur ki, Moskva ilə strateji sabitliyin bərpası Vaşinqtonun Avropadakı əsas xarici siyasət prioritetlərindən biridir.

Adəm