Dünya

Ruslar bu ölkənin sərhədini pozdu: Nota verildi

19 Dekabr 2025 17:54

Rusiyanın müvəqqəti işlər vəkili Estoniya Xarici İşlər Nazirliyinə çağırılıb və ona sərhəddəki qanunsuzluqla bağlı etiraz notası təqdim edilib.

Publika.az xəbər verir ki, bu barədə Estoniya Xarici İşlər Nazirliyi məlumat yayıb.

Bildirilir ki, pozuntu Narva çayında, Vasknarva kəndi yaxınlığında baş verib.

Estoniya xarici işlər naziri Marqus Saxkna qeyd edib ki, ərazidə nəzarət gücləndirilib və Tallin cavab verməyə hazırdır. Nazir əlavə edib ki, Rusiyanın sərhədlərini yoxlamaq cəhdlərinə ən yaxşı cavab Ukraynaya davamlı dəstək və Rusiyaya artan siyasi və iqtisadi təzyiqdir.

Qeyd edək ki, üç Rusiya sərhədçisi dekabrın 17-də Estoniya sərhədini qanunsuz olaraq keçib. Məlumata görə, onlar hava yastığı ilə gəlib, körpü boyunca gəzib, sonra nəqliyyat vasitələrinə minib qayıdıblar. Sərhədçilər təxminən 20 dəqiqə Estoniyada qalıblar. Əvvəlcədən heç bir xəbərdarlıq edilməyib.

Adəm