ABŞ kəşfiyyatı bəyanat yaydı: Rusiya bütün Avropanı işğal edəcək?

"NATO və Avropa İttifaqı ABŞ ordusunu birbaşa Rusiya ilə müharibəyə cəlb etmək istəyir".

Publika.az xəbər verir ki, bunu ABŞ Milli Kəşfiyyatının direktoru Tulsi Qabbard "X" sosial media platformasındakı açıqlamasında bildirib.

O, Rusiyanın bütün Ukraynanı və Avropanın bir hissəsini ələ keçirməyi planlaşdırdığı iddia edilən xəbərlərə reaksiya verib. Qabbard bu xəbərləri "yalan və təbliğat" adlandırıb: "Bu xəbərlər ABŞ Prezidenti Donald Trampın sülh səylərini pozmaq və ictimaiyyətdə qorxu yaratmaqla müharibənin eskalasiyasını təşviq etmək məqsədi daşıyır".

Qabbardın sözlərinə görə, NATO və Avropa İttifaqı (Aİ) ABŞ ordusunu birbaşa Rusiya ilə müharibəyə cəlb etmək istəyir.

"ABŞ kəşfiyyatı qərar qəbul edənlərə, o cümlədən Demokratlar Palatasının Kəşfiyyat Komitəsinin üzvünə məlumat verib. ABŞ kəşfiyyatı həmçinin, Rusiyanın NATO ilə daha geniş müharibədən qaçdığını, Rusiyanın hazırkı hərbi imkanları ilə bütün Ukraynanı işğal etmək gücünə malik olmadığını və Avropanı "fəth etməkdən" söhbət gedə bilməyəcəyini qiymətləndirib", - o qeyd edib.

Roza