Buffon da istefa verir

İtaliya millisinin nümayəndə heyətinin rəhbəri Canluici Buffon 2026-cı il dünya çempionatının seçmə mərhələsinin pley-off finalında Bosniya və Herseqovinaya məğlubiyyətdən sonra vəzifəsindən ayrılmağa hazırlaşır.

Publika.az xəbər verir ki, bu brədə "Sky Sport Italia" məlumat yayıb.

48 yaşlı funksioner 2023-cü ilin avqustundan bu postu tuturdu və İtaliya millisinin ardıcıl üçüncü dəfə mundiala vəsiqə qazana bilməməsindən sonra baş məşqçi Cennaro Qattuzo ilə birlikdə postunu tərk edəcəyi gözlənilir.

İtaliya Futbol Federasiyasının prezidenti Qabriele Qravina əvvəlcə hər iki şəxsdən vəzifələrində qalmağı xahiş etsə də, Buffon təsdiqləyib ki, o və Qattuzo mövsümün sonuna qədər federasiyanın sərəncamında olacaqlar.

Qərar Zenitsada keçirilən və 1:1 hesabı ilə başa çatan oyunun penaltilər seriyasında 1:4 hesablı məğlubiyyətlə yekunlaşmasından sonra verilib. Bu nəticə dördqat dünya çempionu olan İtaliya üçün tarixi uğursuzluq sayılır. Komanda 2014-cü ildən bəri dünya çempionatlarında iştirak etmir.

Heybət