Zelenskinin təhdidləri "boş otaqdakı gurultuya" bənzəyir - Ozan Ferhat

Ukrayna prezidenti Vladimir Zelenskinin Cenevrədə Rusiya, Ukrayna və ABŞ arasında keçirilən danışıqlar fonunda səsləndirdiyi təhdidlər "boş otaqda gurultulu, amma təsirsiz çıxışa" bənzəyir.

Publika.az xəbər verir ki, bunu türkiyəli tədqiqatçı Ozan Ferhat "RİA Novosti"yə deyib.

Onun sözlərinə görə, Zelenskinin hazırkı şəraitdə verdiyi bəyanatlar danışıqlarda mövqeyinin zəifləməsi və strateji uğurların olmaması fonunda sərtlik nümayiş etdirmək cəhdi kimi görünür.

Ekspert həmçinin qeyd edib ki, Moskva ilə Vaşinqton arasında təmasların aktivləşməsi ultimatumlu bəyanatlar üçün imkanları daraldır.

Analitik hesab edir ki, müharibənin nizamlanması üzrə danışıqların dinamikası daha balanslı və ölçülüb-biçilmiş diplomatik xətt tələb edir. Bu zaman kəskin açıqlamalar real imkanlarla dəstəklənməyən taktiki təzyiq elementi kimi qəbul oluna bilər.

Ozan Ferhat beynəlxalq praktikada bu cür bəyanatların tez-tez növbəti danışıqlar raundu ərəfəsində mövqeləri gücləndirmək və “stavkaları artırmaq” məqsədilə istifadə olunduğunu vurğulayıb.

Adəm