Mourinyo bu klubun rəhbərlərini biabır etdi

“Tottenhem”in sabiq baş məşqçisi Joze Mourinyo London klubunun rəhbərliyini tənqid edib.

Publika.az xəbər verir ki, Mourinyo bu barədə “Official Blessing”ə bildirib.

“Tottenhem”dən nə gözləyirsiniz? Onlar finala çıxan məşqçiləri, hətta Avropa kubokunu qazanan məşqçiləri də işdən çıxarırlar. Klubun heç vaxt əsl böyük klub mentaliteti olmayıb – onlar qaliblərin arxasında gizlənmiş bir qrup uğursuzlardır.

Məşqçiləri daim dəyişib birdən-birə sabitliyin yaranmasını gözləmək olmaz. Tarixin ən vacib matçından bir neçə gün əvvəl məşqçini işdən çıxarıb sonra onun xələflərinin uğursuzluqlarına təəccüblənmək? Bir məqamda artıq məşqçilər deyil, zəhərli mədəniyyət və şübhəli idarəetmə qərarları ilə bağlı məsələ yaranır. Xarakter olmadan istedad heç nə demək deyil. “Tottenhem”də isə heç biri yoxdur”, – Mourinyo deyib.

2021-ci ildə portuqaliyalı məşqçi London klubunun 0:1 jesabı ilə uduzduğu “Mançester Siti” ilə Liqa Kuboku finalından bir neçə gün əvvəl “Tottenhem”dən istefaya göndərilmişdi.

Klub hazırda Premyer Liqada aşağı liqaya düşmə zonasındadır.