Türkiyəyə gələndə başqa, gedəndə tam başqa: Tramp fikrini niyə dəyişdi?

ABŞ prezidenti Donald Trump Türkiyədə keçirilən NATO Zirvəsi çərçivəsində verdiyi F-35 qırıcıları ilə bağlı açıqlamalarla diqqət çəkib.

Publika.az xəbər verir ki, Tramp əvvəlcə Türkiyəyə qarşı Rusiyadan S-400 hava hücumundan müdafiə sistemlərinin alınmasına görə tətbiq edilən CAATSA sanksiyalarının ləğv olunacağını bildirib.

O, həmçinin ABŞ-ın Türkiyəyə F-35 qırıcılarının verilməsi məsələsini ciddi şəkildə nəzərdən keçirdiyini deyib. Tramp daha sonra Türkiyə Silahlı Qüvvələrini tərifləyərək, "Yaxın zamanda F-35-ləri də alacaqlar", - ifadəsini işlədib.

Bu açıqlamalar Türkiyənin uzun illərdir yenidən qoşulmağa çalışdığı F-35 proqramı ilə bağlı müsbət siqnal kimi qiymətləndirilib. Xatırladılıb ki, Ankara proqram çərçivəsində daha əvvəl milyardlarla dollar ödəniş edib.

Lakin Tramp Türkiyədən ayrılmazdan əvvəl keçirdiyi mətbuat konfransında fərqli mövqe sərgiləyib. F-35-lərlə bağlı suala cavab verən ABŞ prezidenti "Bunu edib-etməyəcəyimiz barədə hələ tam qərar verməmişəm", - deyə bildirib.

Bu açıqlama Türkiyənin F-35 proqramına qayıdışı ilə bağlı prosesin hələ yekunlaşmadığını göstərib.

Akqabay