Elm və təhsil
Rezidenturaya qəbul olanların qeydiyyatı başlayır
2020/2021-ci tədris ili üçün əsas (baza ali) tibb təhsili əsasında rezidenturaya qəbul olan şəxslərin oktyabrın 1-dən müvafiq qurumların müəyyən etdiyi müəssisələrdə yaradılmış işçi qrup tərəfindən qeydiyyatdan keçirilməsinə başlanılacaq.
Dövlət İmtahan Mərkəzindən Publika.az-a verilən məlumata görə, qəbul imtahanının nəticələrinə əsasən müsabiqədə iştirak edən 456 namizəddən 422 nəfəri təhsilini rezidenturada davam etdirmək hüququ qazanıb. Onlardan 133 nəfərini oğlan, 289 nəfərini qızlar təşkil edir. 218 namizəd cari ilin, 204 namizəd isə əvvəlki illərin məzunudur.
Qəbul olanların siyahısının və ixtisaslaşmalar üzrə formalaşmış keçid ballarının əks olunduğu “Rezidentura” jurnalının 4-cü sayını sentyabrın 29-dan etibarən abiturient.az saytından PDF formatda əldə etmək mümkün olacaq.
Pandemiya ilə əlaqədar olaraq Nazirlər kabineti yanında Operativ qərargahın tələb və tövsiyələrini nəzərə almaqla rezidenturaya qəbul olanlar tələb olunan sənədləri 1‑9 oktyabr 2020-ci il tarixlərində (7 iş günü müddətində) müvafiq qurumların (Tibb Universitetinin Hərbi Tibb fakültəsinə qəbul olmuş şəxslər Müdafiə Nazirliyinin, Naxçıvan Dövlət Universitetinə qəbul olmuş şəxslər Naxçıvan MR Səhiyyə Nazirliyinin, Tibb Universitetinə və digər klinik bazalara qəbul olmuş şəxslər Səhiyyə Nazirliyinin) müəyyən etdiyi müəssisələrdə yaradılmış işçi qrupa təqdim etməklə (və ya onlayn) qeydiyyatdan keçməlidirlər.
Rezidenturaya qəbul olanların bu müddətdə qeydiyyatdan keçməməsi onların yerləşdirildiyi ixtisas üzrə təhsil almaqdan imtinası kimi qiymətləndiriləcək və onlar qəbul olanlar siyahısından çıxarılacaqdır.
Qeyd edək ki, Azərbaycan Tibb Universitetinə və digər klinik bazalara qəbul olmuş şəxslərin ixtisaslar üzrə qeydiyyatı müxtəlif vaxtlarda ATU-nun 4 nömrəli tədris binasında (Ünvan: Bakı ş. Səməd Vurğun küçəsi 18) aparılacaq. Daha ətraflı məlumat Səhiyyə Nazirliyinin rəsmi internet saytında veriləcək.
Naxçıvan Dövlət Universitetinə qəbul olmuş şəxslər isə qeydiyyatın aparılma qaydaları haqqında məlumatla Naxçıvan Dövlət Universitetinin rəsmi internet saytından tanış ola bilərlər.
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin126 Aprel 21:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə26 Aprel 21:10
Qırmızı işıqda keçən nazirin maşını aşdı - FOTO
-
Magazin126 Aprel 20:22
Müğənni Yalının qohumu sevgilisi tərəfindən qətlə yetirildi - FOTO
-
Dünya26 Aprel 19:57
Zelenski onu yeni vəzifəyə təyin etdi