Nazir: Məktəblərin 90 %-i təmir olunub və ya yenidən tikilib
Bizi izləyin

Elm və təhsil

Nazir: Məktəblərin 90 %-i təmir olunub və ya yenidən tikilib

Nazir: Məktəblərin 90 %-i təmir olunub və ya yenidən tikilib

Azərbaycanda fəaliyyət göstərən məktəblərin təxminən 90 %-i son 20 ildə təmir olunub və ya yenidən tikilib.

Publika.az xəbər verir ki, bunu Ümummilli Lider Heydər Əliyevin anadan olmasının 103-cü ildönümü ilə bağlı Fəxri xiyabanı ziyarət edən elm və təhsil naziri Emin Əmrullayev jurnalistlərə açıqlamasında deyib.

Nazirin sözlərinə görə, son beş il ərzində Elm və Təhsil Nazirliyi, Heydər Əliyev Fondu və digər tərəfdaşların dəstəyi ilə minə yaxın məktəb yenidən qurulub və ya əsaslı təmir edilib.

"Ölkədə olan 4200-ə qədər məktəbin təxminən 90 %-i ya yeni təmir olunub, ya da yenidən tikilib. Bəzi qəzalı məktəblər üzrə işlər mərhələli şəkildə davam etdirilir. Birinci növbədə, daha böyük məktəblərin təmirinə üstünlük veririk. Çünki bu məktəblər daha çox uşağın həyatına təsir edir".

Nazirin sözlərinə görə, kiçik məktəblər üçün modul tipli məktəblərin tikintisi həyata keçirilir:

"Bu il müxtəlif bölgələrdə 100-dən artıq modul məktəbin tikintisi nəzərdə tutulur".

Oxumağa davam et
Reklam
Reklam

Gündəm

Zəfaran Hospital
Səba