İqtisadi gündəm
Səudiyyə hasilatı artırır: Bakı nefti dəyər itirəcək? – EKSPERT AÇIQLADI
Aprel ayından başlayaraq Səudiyyə Ərəbistanının dövlət neft şirkəti “Saudi Aramco” günlük neft istehsalını 26% artıracaq. Artıq bu barədə rəsmi məlumatlar dünyanın aparıcı nəşrlərində yer alıb.
Hazırda dünyanın əsas istehsalçısının sərhədləri daxilində gündəlik 9,7 milyon barel həcmində neft çıxarılır. Belə olan halda Ər-Riyadın gündəlik neft hasilatı 12,3 milyon bareli ötəcək.
Bir çox ekspertlər hesab edir ki, Səudiyyənin neft hasilatını artırması Azərbaycan neftinin dünya bazar qiymətlərinə də təsir göstərəcək. Hətta qiymətlərin kəskin düşəcəyini proqnozlaşdıranlar da var.
Neft sahəsi üzrə ekspert İlham Şaban isə fərqli fikirdədir. O, Publika.az-a açıqlamasında söyləyib ki, Səudiyyə Ərəbistanının hasilatı artırmasının bizim üçün o qədər də “istisi-soyuğu” yoxdur:
“Hansısa ölkənin neft hasilatını artırmasının və ya azaltmasının Azərbaycan üçün bu və ya digər formada qlobal əhəmiyyəti yoxdur. Çünki biz OPEC+ ölkələri çərçivəsindəki öhdəliklərimizə cavabdehik. OPEC və ya OPEC+ qarşısında öhdəlik götürən dövlətlər də götürdükləri öhdəliklər üçün cavab verirlər. Ümumən ayda bir dəfə OPEC-in hesabatı açıqlanır”.
İlham Şabanın sözlərinə görə, o hesabatdan da görürük ki, kimlər hasilatı artırıb və ya azaldıb:
“Kvotanı keçənlər arasında İranın, Nigeriyanın adları var. Digər ölkələrin hasilatı isə dünya bazarına çıxarılacaq neftin ümumi fonunun həcmini dəyişmir. Nəticədə bu da neft istehlak edən ölkələrin ehtiyatlarının azalmasına təsir göstərir. Neft ehtiyatlarının azalması isə fevral ayından bu günə kimi qiymətlərin 60 dollar həcmində qalmasının başlıca amilidir”.
Tural Turan
-
Magazin207:25
İlhan Mansız azərbaycanlı xanımından olan övladının üzünü ilk dəfə göstərdi - FOTO
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan