Rusiyanın bank sistemi çökür: “Zolotaya Korona” da sanksiyaların qurbanı oldu

Rusiyanın “Zolotaya Korona” ödəniş sistemi vasitəsilə Qazaxıstana pul köçürmələrinin payı 2024-cü ilin avqustunda təxminən 4 faiz azalıb.

Publika.az xəbər verir ki, bu barədə Qazaxıstanın Milli Bankı məlumat yayıb.

Statistikaya görə, ABŞ-ın sanksiyaları fonunda bir sıra banklar Rusiya sistemi ilə əməkdaşlığı dayandırıb. Bu səbəbdən də “Zolotaya Korona” vasitəsilə köçürmələrin payı 55,4 faizdən 51,7 faizə düşüb. Rusiya xidmətindən istifadə etməklə Qazaxıstandan xaricə köçürmələr 89,3 faizdən 86,4 faizə düşüb.

Eyni zamanda, "Western Union"un populyarlığı ölkəyə köçürmələrdə 27,7 faizdən 30,3 faizə, Qazaxıstandan digər yurisdiksiyalara edilən əməliyyatlarda isə 7,1 faizdən 9,2 faizə yüksəlib. “Moneygram” vasitəsilə Qazaxıstana köçürmələrin payı ay ərzində müvafiq olaraq 15,5 faizdən 16,4 faizə, Qazaxıstandan isə 1,8 faizdən 2,1 faizə yüksəlib.

“Zolotaya Korona” üçün mobil proqramın tərtibatçısı Maliyyə Texnologiyaları Mərkəzi 2024-cü ilin avqustunda ABŞ sanksiyalarına məruz qalıb. Bir neçə gün sonra Qazaxıstan Bankı CenterCredit Android əməliyyat sistemi üçün mobil proqramında sistem vasitəsilə pul köçürmələri imkanını ləğv etdi. Daha sonra ona HalykBank, Bank RBK, Avrasiya Bankı və Freedom Bank qoşuldu.

Qazaxıstan bankları ilə yanaşı, “Zolotaya Korona” vasitəsilə ödənişləri Qırğızıstan Keremet Bankı və MBank, həmçinin Gürcüstanın Gürcüstan Bankı da dayandırıb. Eyni zamanda, sonuncu 48 saatdan sonra sistemi bərpa edib.

Adəm