BRİKS-in dolları sıradan çıxarmaq planı: Bacaracaq?

Amerika dolları uzun müddət, ən azı ABŞ texnoloji lider mövqeyini qoruduğu müddətcə, aparıcı dünya valyutası olaraq qalacaq.

Publika.az xəbər verir ki, bunu iqtisadçı Yevgeni Koqan "Rossiyskaya qazeta"ya deyib.

BRİKS ölkələrinin qlobal sərmayənin əsas aləti kimi dollara tamhüquqlu alternativ yarada biləcəkləri ilə bağlı suala cavab verərən ekspert bunun yaxın gələcəkdə baş verməsinin mümkün olmadığını bildirib. Bundan əlavə, süni intellekt və kvant kompüterləri inkişaf etdikcə, ABŞ-ın liderlik mövqeyi daha da möhkəmlənə bilər. Buna müqavimət göstərməyə çalışan ölkələr sanksiyalara məruz qalacaq. Lakin ABŞ hamıya şərtlər diktə etdiyi üçün dünya dollara alternativ axtaracaq. Və bu, tədricən baş verəcək.

Koqan gələcəyin maliyyə sisteminin rəqəmsal aktivlərə əsaslanacağını və bu aktivlərin də qızılla dəstəklənəcəyini istisna etməyib.

Bundan əlavə, o qeyd edib ki, İkinci Dünya Müharibəsindən sonra Qərb iqtisadiyyatı əsasən istehlakın kreditlə stimullaşdırılması hesabına inkişaf edib. Ancaq bu gün bu dizayn uğursuz olmağa başlayıb.

Koqan hesab edir ki, "Böyük borclar bu dünyanı alt-üst etmək təhlükəsi yaradır".

Adəm Abbaslı