Gümüşün qiyməti bütün tarixi REKORDLARI QIRDI

Gümüşün birja qiyməti tarixi maksimuma çataraq bir troya unsiyası üçün 75 dollar həddini keçib.

Publika.az xəbər verir ki, bu barədə “Comex” birjasının məlumatlarında bildirilir.

Gümüşün qiyməti 4,87% artaraq bir troya unsiyası üçün 75,175 dollar təşkil edib. Tarixdə ilk dəfədir ki, gümüşün qiyməti 75 dollar səviyyəsini ötür.

Dekabr ayında həmçinin məlum olub ki, ticarət iştirakçılarının təşəbbüsü ilə gümüş Sankt-Peterburq Birjasında keçirilən hərraclarda “Metallar və ərintilər” bölməsində təqdim olunan məhsullardan biri olacaq.

Rusiyanın maliyyə nazirinin müavini Aleksey Moiseyev bundan əvvəl qızıla olan qlobal marağın artdığını bildirib və bunu dollara əsaslanan köhnəlmiş dünya maliyyə sisteminin böhranı ilə izah edib. Onun fikrincə, ABŞ valyutasının mövqelərinin zəifləməsi qiymətli metalların dəyərinin daha da yüksəlməsinə gətirib çıxaracaq. Bəzi analitiklər gələcəkdə qızılın bir troya unsiyasının qiymətinin 35 min dollara çata biləcəyini proqnozlaşdırırlar.

Hüseyn İbadlı