TARİXİ REKORD: Qızıl kəskin bahalaşdı - YENİLƏNDİ

Fevral ayına nəzərdə tutulmuş qızıl fyuçersləri “Comex” birjasında tarixi zirvəyə çataraq bir troya unsiyası üçün 5 200 dolları ötüb.

Publika.az xəbər verir ki, ticarət platformasının məlumatları bu yüksəlişi təsdiqləyir.

Bakı vaxtı ilə saat 05:40-da qiymətli metalın qiyməti 2,41% artaraq bir unsiya üçün 5 205,1 dollar olub. Beş dəqiqə sonra, saat 05:45-də qızılın qiyməti yüksəlişini sürətləndirərək 5 216,7 dollara çatıb (+2,64%).

Daha sonra, saat 06:32-də növbəti rekord yenilənib – bir unsiya qızıl 5 224,2 dollar dəyərində olub.

xxx

04:14

Nyu-York Ticarət Birjasının bölməsi olan "Comex"də 2026-cı ilin fevral ayı üçün qızıl fyuçerslərinin qiyməti ilk dəfə olaraq troya unsiyası üçün 5150 dolları keçərək yeni rekord səviyyəyə çatıb.

Publika.az xəbər verir ki, Bakı vaxtı ilə saat 00:21-ə olan məlumata görə, dəyərli metalın qiyməti troy unsiyası üçün 5151,4 dollar (+1,36%) təşkil edib.

Eyni zamanda, bu ilin mart ayında "Comex" birjasında çatdırılma üçün gümüş fyuçerslərinin qiyməti 4,28% azalaraq 1 troya unsiyası üçün 110,555 dollara düşüb.

Qızıl gəlirləri artıq 2008-ci il maliyyə böhranı və 2020-ci il pandemiyası kimi qlobal qarışıqlıq dövrlərində müşahidə olunanlardan daha yüksəkdir.

Hüseyn İbadlı