İlon Mask yenidən trilyonçu oldu - Nəyin hesabına?
Bizi izləyin

İqtisadi gündəm

İlon Mask yenidən trilyonçu oldu - Nəyin hesabına?

İlon Mask yenidən trilyonçu oldu - Nəyin hesabına?

“SpaceX” və “Tesla” şirkətlərinin qurucusu İlon Maskın sərvəti yenidən 1 trilyon dolları ötüb.

Publika.az xəbər verir ki, “Forbes”un məlumatına görə, ABŞ fond bazarının açılmasından sonra şirkətlərinin səhmlərində qeydə alınan bahalaşma Maskın sərvətinin yenidən trilyon dollar həddini keçməsinə səbəb olub.

Maskın sərvəti cümə günü ticarətin yekunundakı göstərici ilə müqayisədə 30,6 milyard dollar artıb. Həmin gün “SpaceX”in səhmləri 5 faizdən çox, “Tesla”nın səhmləri isə 1 faiz bahalaşıb.

İlon Mask bununla da dünyanın ən varlı şəxsi olaraq qalır.

Dünyanın ən varlı ikinci şəxsi olan “Amazon”un qurucusu Ceff Bezosun sərvəti isə təxminən 371,5 milyard dollar təşkil edir.

Mask ilk dəfə iyunun 12-də trilyonçu statusuna çatıb, iyulun 25-də onun sərvəti yenidən 1 trilyon dollardan aşağı düşüb.(Axşam.az)

Oxumağa davam et
Reklam
Reklam

Gündəm