İqtisadi gündəm
Qarsda Heydər Əliyev adına liseyin açılışı keçirilir - YENİLƏNİB
Türkiyənin Qars şəhərində Azərbaycanın ümummilli lideri Heydər Əliyevin adını daşıyan sənaye liseyinin açılışı keçirilir. Açılış mərasimində Azərbaycan Prezidenti İlham Əliyev, Türkiyə Prezidenti Rəcəb Tayyib Ərdoğan və Gürcüstan Prezidenti Georgi Marqvelaşvili iştirak edirlər.
Bu barədə Trend Türkiyənin "TRT Haber" telekanalına istinadən məlumat verir.
Prezident İlham Əliyev mərasimdə geniş nitqlə çıxış edib.
"İlk növbədə, yenidən qardaş Türkiyədə olmağımdan çox məmnunam. Bunu ifadə etmək istəyirəm. Xüsusilə qədim türk torpağı olan Qarsda olmağımdan çox məmnunam. Qars qədim türk dünyasının tarixi yeridir və belə məktəbin məhz Qarsda açılması böyük məna daşıyır".
Trend-in "TRT Haber" telekanalına istinadən verdiyi məlumata
görə, bunu Azərbaycan Prezidenti İlham Əliyev Türkiyənin Qars
şəhərində Azərbaycanın ümummilli lideri Heydər Əliyevin adını
daşıyan sənaye liseyinin açılış mərasimində çıxışı zamanı
deyib.
Dövlət başçısı qeyd edib: "Bu məktəb mənim atam, Azərbaycan
dövlətinin qurucusu Heydər Əliyevin adını daşıyır. Bu gün Qarsa,
hava limanına enərkən ilk növbədə Heydər Əliyevin adını daşıyan
parkı, onun abidəsini ziyarət etdim. Azərbaycan xalqının lideri
Heydər Əliyevin xatirəsinə Türkiyədə, Qarsda olan hörmətə görə öz
dərin minnətdarlığımı bildirmək istəyirəm".
Prezident bildirib ki, Heydər Əliyev Türkiyə-Azərbaycan
əlaqələrinin inkişafı üçün böyük xidmətlər göstərmişdir: "O, daim
çalışırdı ki, Türkiyə-Azərbaycan birliyi, qardaşlığı daha da möhkəm
olsun. Onun məşhur kəlamı bizim hamımız üçün bir nümunədir. O
demişdir: “Türkiyə və Azərbaycan bir millət, iki dövlətdir”. Biz bu
siyasətə sadiqik və əziz qardaşım Rəcəb Tayyib Ərdoğanla son 11 il
ərzində Türkiyə-Azərbaycan birliyini daha da möhkəmləndirmək üçün
böyük səylər göstəririk. Biz bütün məsələlərdə bir yerdəyik. Siyasi
əlaqələrimizi ən yüksək zirvəyə qaldıra bilmişik. Bütün beynəlxalq
təşkilatlarda daim bir-birimizi dəstəkləyirik".
Dövlət başçısı deyib ki, Türkiyənin artan gücü Azərbaycanı da
gücləndirir: "Türkiyə bu gün dünya miqyasında güc mərkəzidir və
əziz qardaşım Rəcəb Tayyib Ərdoğanın liderliyi ilə son illər
ərzində böyük yol keçmişdir. Bunu bu gün Qarsda görülən işlər də
təsdiqləyir. Burada tikilən binalar, məktəblər, xəstəxana, sosial
obyektlər Qarsın simasını dəyişib. Türkiyənin hər bir yerində
inkişaf göz qabağındadır".
Publika.az Türkiyə mediasına istinadən xəbər verir ki, açılış mərasimində Rəcəb Tayyib Ərdoğan da çıxış edib.
Liseyin fəaliyyətə başlamasında əməyi keçən hər kəsə təşəkkür edən Türkiyə prezidenti deyib: “Biz iki dövlət, bir millətik. Azərbaycana qurtuluş gətirən Qafqaz İslam Ordusunun yarısı bu torpaqların igidləridir, digər yarısı azərbaycanlı qardaşlarımızdır. Vahabzadə demişkən, biz bir ananın iki oğluyuq”.
Türkiyə prezidenti qeyd edib ki, Qarabağda zülmə məruz qalan azərbaycanlı qardaşlarımızın ağrısını Anadoludakı vətəndaşlar ürəyində hiss edir.
Bu gün, eyni zamanda, Qarsda Azərbaycan və Türkiyə prezidentlərinin iştirakı ilə Transanadolu boru kəmərinin (TANAP) təməlqoyma mərasimi keçiriləcək.
Ömər Dağlı
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı