Hadisə

Ölsəm, səbəbi "Bizon"dur - FOTO

9 Avqust 2021 10:18

Jurnalist Elşad Barat aldığı enerji içkisinin içindən şüşə çıxması barədə məlumat paylaşıb.

Publika.az xəbər verir ki, Elşad Barat fotosunu paylaşaraq bu sözləri yazıb: "Sol əlimdəki şüşə sağ əlimdəki bizonun içindən çıxdı. Qapağı açdım, xırda-xırda, nazik şüşələr ilk qurtumda getdi. Sanki fiziki hesablamalar aparılıb, bizonun sıxlığı şüşənin sıxlığından çox olduğu üçün şüşə üzdə qalır ki, susuzluqdan ciyəri yanan adam alıb başına çəkəndə ilk qurtumda şüşəni udmuş olsun. Yaxında ölüb eləsəm, səbəbi "Bizon"dur. Qabın üzərindəki qaynar xəttə (012-447-10-55) zəng etdim, nömrə borcdan bağlıdır. Bu qədər pul qazanırlar, 3 manat telefona ödəyə bilmirlər. Suya niyə şüşə qatıblar? Bunlar nə etmək istəyir? Milləti qırmaq?"