Tağı Əhmədovun səhhəti pisləşdi, AYAQLARI TUTULDU - YENİLƏNDİ

Tağı Əhmədov səhhətində yaranmış problemdən və dünya səhiyyəsinin bu xəstəliyin qarşısında necə aciz qalmasından danışıb, səhhətinin çox pis olduğunu deyib.

"İlyarımdır yeriyə bilmirəm. Bilmirəm nəyə görə bu xəstəliyə tutuldum. Xəstəliyimin konkret diaqnozu "Miyelit”dir (onurğa-beyin iltihabı)" Xaricdən Bakıya yeni qayıtmışam. Bir ildir Türkiyədə müalicə olunurdum. Almaniyaya da getdim. Xeyri yoxdur. Həkim olsaydı, məni sağaldardı. Həkim yoxdur. Olsaydı, konkret müalicəmi deyərdilər”, - T.Əhmədov qaynarinfo.az saytına gileylənib.

xxx

Bakı metropoliteninin sabiq rəisi Tağı Əhmədovun vəziyyəti yenidən pisləşib.

Yüksək qan təzyiqindən, şəkərdən və digər xəstəliklərdən əziyyət çəkən keçmiş rəis hazırda ciddi həkim nəzarətindədir.

Tağı Əhmədovun ayaqlarının tutulduğu, hərəkət imkanının məhdudlaşdığı bildirilir. Qohumlarından birinin dediyinə görə, sabiq məmur ötən gün “Ömür” klinikasında müayinədən keçib. Klinikaya əlil arabasında gəlib.

T.Əhmədovun müayinədən sonra evinə getdiyi və özünü ətrafdan tamamilə təcrid etdiyi bildirilir.

Qeyd edək ki, sözügedən klinika T.Əhmədovun özünə məxsusdur.(Yenisabah)