Metroda eskalator dayandı: Xəsarət alan var?
Bizi izləyin
Aptekonline

Hadisə

Metroda eskalator dayandı: Xəsarət alan var?

Metroda eskalator dayandı: Xəsarət alan var?

Metropolitenin “Sahil” stansiyasında eskalatorda texniki nasazlıq yarandığı, nəticədə sərnişinlərin xəsarət alması ilə bağlı məlumat yayılıb.

Publika.az xəbər verir ki, hadisənin bu gün səhər saatlarında baş verdiyi bildirilir.

İddia olunur ki, bu zaman eskalatorda olan sərnişinlər bir-birinin üstünə yıxılıb, nəticədə xəsarət alanlar olub.

Məsələ ilə bağlı “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov Publika.az-a bildirib ki, eskalator dayanıb, amma xəsarətlə bağlı hər hansı məlumat daxil olmayıb:

“Sərnişinin ehtiyatsızlıq və ya zərurət olmadan təhlükəsizlik düyməsini sıxması səbəbindən eskalator dayanıb. Xəsarətlə bağlı “Bakı Metropoliteni”nin əməkdaşlarına müraciət edən olmayıb, eyni zamanda biz də müəyyən etməmişik. Belə bir hal olduğu təqdirdə, işçilərimizə müraciət olunur və onlar dərhal nəzarətə götürülür. Eskalator yoxlanılıb, heç bir texniki nasazlıq müəyyən olunmayıb. Bu, hər bir stansiyada baş verə bilər”.

Akqabay Mıradov

Teqlər
Oxumağa davam et
Reklam
Reklam

Gündəm

Aptekonline