Ordu ilə çevik qüvvələr arasında qarşıdurma: çox sayda ölən var
Bizi izləyin
Aptekonline

Hadisə

Ordu ilə çevik qüvvələr arasında qarşıdurma: çox sayda ölən var

Sudan Həkimlər Birliyi ölkənin qərbində Şimali Darfur əyalətində ordu ilə Çevik Dəstək Qüvvələri (ÇDQ) arasında baş verən qarşıdurma nəticəsində 6 nəfərin öldüyünü, 61 nəfərin yaralandığını bildirib.

Publika.az xəbər verir ki, Faşir Müqavimət Komitələri sosial media hesabından verdiyi açıqlamada top mərmilərinin düşməsi nəticəsində insanların həyatını itirdiyini bildirib.

ÇDQ həmçinin qeyd edib ki, Şimali Darfur əyalətinə əlavə hərbi qüvvələr göndərilib.

Darfur Bölgəsinin rəhbəri Mini Arko Minavi aprelin 13-də bildirib ki, ÇDQ Faşiri ələ keçirmək üçün onu mühasirəyə alıb və bir həftə ərzində ətrafındakı təhlükəsiz kəndlərə hücumlarını davam etdirir.

Münaqişə 2023-cü ilin aprel ayında mülki şəxslərin iştirakı ilə qurulan hökumətə qarşı birgə çevriliş təşkil edən iki qüvvənin ÇDQ-nin hərbi və təhlükəsizlik islahatları çərçivəsində orduya inteqrasiyası məsələsində fikir ayrılığının yaranmasından sonra başlayıb.

Roza Şəfiyeva

Oxumağa davam et
Reklam
Reklam

Gündəm

Aptekonline