Hadisə

18-ci mərtəbədə selfi çəkmək istədi, amma... - 6-cı sinif şagirdinin FACİƏVİ SONU

14 Sentyabr 2024 17:00

Sankt-Peterburqun Sosnovıy Bor sakini selfi çəkdirmək istəyərkən 18-ci mərtəbədən yıxılıb.

Publika.az xəbər verir ki, bu barədə "REN TV" məlumat yayıb.

Mənbənin sözlərinə görə, qız yaşayış binasının eyvanına çıxıb, məhəccərdə oturub və dostu ilə telefonla danışmağa başlayıb. O, dostuna zarafatla oradan tullana biləcəyini deyib. Altıncı sinif şagirdi daha sonra məhəccərdən düşüb, lakin bir müddət sonra o, yenidən mühəccərə çıxıb. Müvazinətini saxlaya bilməyən məktəbli qız hündürmərtəbəli binanın eyvanından yıxılıb. Onu xilas etmək mümkün olmayıb.

Hazırda cinayət işinin başlanması məsələsi həll edilir.

Kanalın həmsöhbətinin sözlərinə görə, qız anası ilə yaşayırmış və ailə münasibətləri normal imiş. Amma məktəbli qız şəkər xəstəliyindən əziyyət çəkirirmiş, buna görə də bəzən yeməkdən imtina edir və ya çox şirniyyat yeyir, ona görə də valideynləri ilə mübahisə edirmiş.

Adəm